"Global Innovations” şirkətinin təsisçisi və icraçı direktoru Zeynal Kərimzadə şirkətin fəaliyyətinin ilk ilində 10 000 000 manat dövriyyəyə nail olmaqlarını şərh edib!
Bu gün biz bütün komandanın nəticəsini görürük və birlikdə getdiyimiz yola və bu yolda keçdiyimiz maneələrə görə hədsiz sevinirik. Lakin bu uğurun arxasında layihəyə 24/7 dəstək verən hər bir əməkdaşımızın gərgin iş prosesi dayanır.
Bu, uzun və çətin yol idi. Proqnozlarımıza görə, bu rəqəmə çatacağımızı dekabrın sonuna gözləsək də, komandamızın məhsuldar əməyi nəticəsində qrafiki qabaqlaya bildik. Bizim üçün bu, əlamətdar hadisədir, lakin biz bununla kifayətlənmirik və gələn ilin sonuna qədər bu rəqəmi ən azı iki dəfə artırmalıyıq. Biz bütün müştərilərimizə etibarlarına və bizneslərini rəqəmsallaşdırmağa kömək etmək imkanına görə minnətdarıq.
Mən çox istərdim ki, ölkəmizin rəqəmsal iqtisadiyyatına öz töhfəmizi verək və orta və kiçik biznesə maneəsiz olaraq elektron ticarət dünyasına pəncərə açıb gəlirlərini artırmağa imkan verək.
