Məxfilik siyasəti

“Global Innovations” MMC 

Məxfilik siyasəti

Ümumi müddəalar

Bu məxfilik siyasəti “Global Innovations” MMC-nin (bundan sonra “Şirkət” adlandırılacaq) fəaliyyəti üzrə xidmətlərin təqdim edilməsi üçün hazırladığı “Epoint” platformasının (bundan sonra “Platforma” adlandırılacaq) və şirkətin internet saytının istifadəçilərinin və ziyarətçilərinin fərdi məlumatlarınının toplanılmasını, istifadə edilməsini, saxlanılmasını və şirkət tərəfindən necə qorunmasını tənzimləyir. 

Bu Məxfilik siyasəti Azərbaycan Respublikasının “Fərdi məlumatlar haqqında” Qanununa və digər müvafiq qanunvericilik aktlarına istinadən hazırlanmışdır. 

Şirkət Platformanın və internet səhifəsinin istifadəçiləri və ziyarətçilərinin fərdi məlumatlarının işlənilməsi üzrə müvafiq qanunvericiliyə əsasən məsuliyyət daşıyır.

Şirkətin fərdi məlumatları işləməkdə məqsədi

Şirkət fərdi məlumatları kontekstinə uyğun olaraq xidmətlərin təqdim edilməsi və öhdəliklərinin icrası məqsədi ilə işləyir. Qanunvericilikdə nəzərdə tutulmamış məqsədlər üçün istifadə etmək niyyətində deyil və bununla bağlı məsuliyyət daşıyır. 

Fərdi məlumatların toplanması

Şirkət fərdi məlumatları birbaşa və ya müvafiq qanunverilikdə nəzərdə tutulmuş şəkildə fərdi məlumatın subyektinin razılığı ilə toplayır.

İstifadə edilmiş əsas anlayışlar

Bu Məxfilik siyasətində aşağıda qeyd edilmiş əsas anlayışlar istifadə edilmişdir. Qeyd edilməmiş əsas anlayışlar müvafiq qanunvericilikdə nəzərdə tutulmuş şəkildə istifadə edilmişdir

Fərdi məlumatlar – şəxsin kimliyini birbaşa və ya dolayısı ilə müəyyənləşdirməyə imkan verən istənilən məlumat

Fərdi məlumatların subyekti – barəsində fərdi məlumatlar toplanılan, işlənilən və mühafizə edilən, kimliyi müəyyənləşdirilmiş və ya müəyyənləşdirilən fiziki şəxs

Əməliyyat –  Platforması üzərindən təqdim edilən xidmətlərdən istifadə etmək məqsədi ilə tərəflərin sorğusu üzrə icranın həyata keçirilməsi

Partnyor –Platformasında təqdim edilən xidmətlərin göstərilməsi üçün təchizatçı funksiyasını həyata keçirən tərəf

Sahibkarlıq subyeki –Platforması vasitəsilə fəaliyyətini avtomatlaşdıran tərəf

Son istifadəçi –Platforma vasitəsilə qeydiyyatdan keçmədən ödənişləri və digər əməliyyatları həyata keçirən tərəf

Operator – tərəflərin adından Platforma vasitəsilə əməliyyatlar həyata keçirən tərəf

Fərdi məlumatların toplanılması və işlənilməsi

Şirkət tərəfindən məlumatların toplanılması və işlənilməsi Platformasındakı istifadəçi roluna və aparılan əməliyyatlara uyğun olaraq həyata keçirilir. 

Son istifadəçilər ilə bağlı Şirkət tərəfindən birbaşa olaraq hər hansısa bir fərdi məlumat əldə edilmir. Aşağıda qeyd edilmiş məlumatlar Partnyor bankdan Platforma vasitəsilə əməliyyatın icrası zamanı qəbul edilir. Partnyor bankdan istifadə edilən bank kartının sahibinin adı, soyadı və şifrələnmiş şəkildə 16 rəqəmli “PAN” əldə edilir. Əldə edilmiş fərdi məlumatlar əməliyyatın icrası zamanı baş verə biləcək xətaların araşdırılması və tərəflər ilə eyniləşdirilərək aradan qaldırılması, fırıldaqçılıqla mübarizə və ƏL/TMM  məqsədləri üçün işlənilir. 

Sahibkarlıq subyektləri ilə bağlı fərdi məlumatların toplanılması onların Platforma vasitəsilə qeydiyyatı zamanı əldə edilir. Sahibkarlıq subyektinin direktoru, tənzimləyici qurumların tələblərinə uyğun olaraq mülkiyyətçiləri və operatorları ilə bağlı fərdi məlumatlar toplanılaraq işlənilir. Qeyd olunmuş fəaliyyətlər zamanı Sahibkarlıq subyektinin direktorunun adı, doğum tarixi, şəxsiyyət vəsiqəsi seriyası və identifikasiya nömrəsi, operatorların adı, soyadı, şəxsiyyət vəsiqəsi seriyası və fin kodu və benefisiar mülkiyyətçilər ilə bağlı fərdi məlumatlar bir başa olaraq tacirdən əldə edilir. Əldə edilmiş fərdi məlumatlar əməliyyatın icrası zamanı baş verə biləcək xətaların araşdırılması və tərəflər ilə eyniləşdirilərək aradan qaldırılması, fırıldaqçılıqla mübarizə, istifadəçilərin hüquq və haqlarının mühafizəsi və ƏL/TMM  məqsədləri üçün işlənilir. 

Sistemə quraşdırılmış “Google Analytics” aləti vasitəsi ilə ziyarətçilərə məxsus “İP adress”ləri xidmət səviyyəsinin artırılması və sistemin istifadəçi təcrübələrinə uyğunlaşdırılması məqsədi ilə əldə edilir.

Fərdi məlumatların saxlanılması və mühafizəsi

Toplanılan fərdi məlumatlar müvafiq qanunvericiliyə əsasən mühafizə edilərək qanunvericiliyə əsasən minimum 5 il olmaqla mümkün olan ən uzun müddətdə saxlanılır. Şirkət aidiyyəti tərəflərin nəzarətində fəaliyyət göstərir və ən yaxşı təcrübələrə əsaslanan texniki infrastruktur, informasiya təhlükəsizliyi və digər idarəetmə sistemlərini tətbiq edir. Şirkət fəaliyyətinin uyğunluğununun göstəricisi olan sənədləri rəsmi internet səhifəsində ayrılmış hissədə paylaşır.

Fərdi məlumatların ötürülməsi

Fərdi məlumatların xidmətlərin göstərilməsi məqsədi ilə istifadəçi ilə razılaşdırılmaqla Partnyorlara ötürülməsi istisna edilmir. Hər bir halda məlumatların ötürüldüyü şəxslərin həmin məlumatların mühafizəsinə dair öhdəlikləri qəbul etmələri təmin olunur, eləcə də müvafiq qanunvericilikdə nəzərdə tutulmuş hallar istisna olmaqla üçüncü tərəflərə ötürülməyəcəyi ilə bağlı Şirkət tərəfindən zəmanət verilir. 

Fərdi məlumatların arxivləşdirilməsi və məhv edilməsi

Fərdi məlumatların arxivləşdirilməsi və məhv edilməsi şirkət tərəfindən Azərbaycan Respublikasının müvafiq qanunvericiliyinə əsasən həyata keçirilir. 

Fərdi məlumatların məhv edilməsinə dair Fərdi məlumatların subyekti tərəfindən tələb daxil olduqda və bu mümkün olduqda Şirkət tərəfindən həyata keçirilir və bu tələbin icrası ilə bağlı Şirkət məsuliyyət daşıyır, yaxud bu tələbdən imtinaya dair əsaslandırılmış cavab verilir. 

Şirkətin Məxfilik siyasətinin yenilənməsi 

Şirkətin Məxfilik siyasəti daim yenilənir və düzəlişlər, əlavələr olunduqca bütün tərəflər Platforma vasitəsilə bildirişlər yolu ilə məlumatlandırılır və istifadəçilərin yenilənmiş siyasət sənədindən xəbərdar olmaları təmin edilir. Şirkət tərəfindən bu siyasət sənədinin yenilənməsinə dair planlaşdırılan tarix sistemdə ayrılmış hissədə əvvəlcədən qeyd edilir. 

Subyektin hüquqları

Fərdi məlumatların subyektinin Fərdi məlumatlarının toplanmasına icazə verməmək, artıq toplanmış məlumatların məhv edilməsini tələb etmək, fərdi məlumatların mühafizəsi ilə bağlı Şirkətə şikayət ünvanlamaq və bu siyasətdə göstərilmiş mövzular ilə bağlı Şirkətdən ətraflı məlumat almaq hüququ var. 

Əlaqə

Fərdi məlumatların mühafizəsi ilə bağlı Şirkətə şikayət ünvanlamaq məqsədi ilə qeyd edilmiş elektron poçt ünvanına müraciət edə bilərsiniz – [email protected] 

Fərdi məlumatların mühafizəsi ilə bağlı Şirkətdən şikayət etmək məqsədi ilə aşağıda qeyd edilmiş telefon nömrələrinə müraciət edə bilərsiniz – Azərbaycan Respublikasının Mərkəzi Bankı 

Əlaqə nömrələri (+994 12) 966 (Qaynar xətt) (+994 12) 493 5058