Şərtlər və publik aferta

ONLAYN ÖDƏNİŞ XİDMƏTİ HAQQINDA ŞƏRTLƏR

Bu şərtləri diqqətlə oxuyun. Bu şərtlər ödənişlərin onlayn ödəniş platformasında ödənişlərin edilməsi və ya onların ödəyicidən qəbul edilməsi ilə bağlı platformanın istifadə şərtləridir. Ona görə də ödənişləri etməzdən və ya qəbul etməzdən əvvəl bu şərtləri qəbul etməyiniz xahiş olunur.

Bu şərtlər Azərbaycan və ingilis dillərində tərtib olunmuşdur. Sizdən bu şərtləri gələcək istinadlar üçün çap etməyinizi və saxlamağınızı xahiş edirik. Əks halda həmin şərtləri imzaladığınız halda sonradan saytımızda tapmaya bilərsiniz.

Bu şərtlər (bundan sonra "Şərtlər") sizinlə (bundan sonra "siz", "Siz", "istifadəçi", "İstifadəçi" və ya "Müştəri" adlanırsınız) və Bizim - Global İnnovations MMC, Azərbaycan Respublikasında qeydiyyatdan keçirilmiş məhdud məsuliyyətli cəmiyyət (vergi ödəyicisinin eyniləşdirmə nömrəsi 2002891201, bundan sonra "biz", "Biz", "Epoint.az" adlandırılan) aramızda bağlanır.

1. Predmet

1.1. Biz Müştərilərə ödəniş etmək və ödənişləri qəbul etmək üçün onlayn platforma təqdim edirik.

1.2. Bu Platformadan istifadə edərək, siz bizim istifadəçimizin müəyyən bank hesabına ödəniş edə və ya sizə edilən ödənişləri qəbul edə bilərsiniz.

2. Platformadan istifadə qaydası

2.1. Epoint.az bu Şərtlərdə göstərilən şərtlər və məhdudiyyətlər daxilində sizə Platformadan istifadə üçün məhdud, qeyri-eksklüziv, özgəninkiləşdirilməz və ləğv edilə bilən icazə verir.

2.2. Platformadan istifadə etmək üçün siz qeydiyyatdan keçməli və istifadəçi adı və şifrəsi ilə hesab yaratmalısınız.

2.3. Siz dəqiq və dolğun məlumat təqdim etməli və məlumatın dəqiq və dolğun olması üçün hesab məlumatlarını zəruri olduqca yeniləməlisiniz. Platforma sizin Fəaliyyətinizi öz adından nümayiş etdirmir və Saytdakı hər hansı bir istifadəçi məzmununu təsdiqləmir.

2.4. Biz sizə əlavə xidmətlər təklif edə bilərik, o cümlədən sizin Fəaliyyətiniz haqqında məlumatın məzmununu, sizin Fəaliyyətiniz haqqında məlumatın dizaynını hazırlamaqda sizə kömək edə və bizim istifadəçilərimizi və digər xidmət təminatçılarını sizə yönəldə bilərik. Bütün belə əlavə xidmətlər üçün aramızda ayrıca müqavilə bağlanmalıdır, bu barədə biz öz mülahizəmiz ilə sizə xəbər göndərə və sizinlə bu şərtləri əvvəlcədən razılaşdıra bilərik. Sizin Fəaliyyətinizlə bağlı bizim sizə kömək etməyimizə baxmayaraq, siz Fəaliyyətiniz üçün şəxsən məsuliyyəti daşıyırsınız və Fəaliyyətinizin yeganə cavabdeh tərəfi olaraq Şərtlərdəki bütün öhdəliklərə əməl etməyi öhdənizə götürürsünüz.

2.5. Müştəriyə qadağandır:

a) başqasını təqlid etmək;

b) kimisə təhqir edə biləcək və ya hər hansı bir şəxsin hüquqlarını pozan istifadəçi adı seçmək;

c) digər insanların və ya şirkətlərin hüquqlarını pozan, qanunu pozan və ya hər hansı bir tərəfə aid ola biləcək hər hansı bir müqavilə və ya qanuni vəzifəni pozan hər hansı bir hərəkət etmək;

d) tələb olunmayan və ya icazəsiz reklam və ya tanıtma materialı və ya arzuolunmaz poçt, spam və ya zəncir məktubları yaymaq; poçt siyahılarını, siyahıları və ya Platforma vasitəsilə hər hansı bir avtomatik cavablandırma və ya spam göndərmək;

e) Proqram viruslarını və ya Platformadakı hər hansı bir proqram, hardware və ya avadanlığın düzgün işləməsinə mane olan və ya (2) Platformanın hər hansı digər istifadəçi tərəfindən istifadəsinə müdaxilə edən proqramları yaymaq;

f) Platformanın və Xidmətlərin təhlükəsizliyini təmin etmək üçün Platformanın tətbiq etdiyi hər hansı tədbiri dəf etmək, hər hansı bir sistemə, məlumata, şifrəyə və ya digər Platforma, İstifadəçi məlumatları və ya Xidmətlərə icazəsiz giriş əldə etmək üçün cəhd göstərmək, hər hansı məlumatı əldə etmək üçün revers mühəndis və ya digər yolla Xidmətlərin hər hansı bir hissəsini ayırmaq, yaxud hər hansı bir proqramdan istifadə etməklə Platformanın hər hansı bir hissəsində icazəsiz gəzmək;

g) Qüvvədə olan qanunvericilik üzrə korrupsiyaya qarşı tələbləri pozmaqla, hökümət orqanının vəzifəli şəxsinə və ya işçisinə və ya dövlət orqanının nəzarəti altında olan hər hansı bir şəxsə və ya hər hansı bir siyasi partiyaya, siyasi partiyanın vəzifəli şəxsinə və ya rəsmi şəxs qismində çıxış edən hər hansı digər şəxsə təklif, ödəniş, ödəniş vədi, ödənişin təsdiqi, pulun və ya digər qiymətli əşyanın verilməsi ilə bağlı ödənişlərin maliyyələşdirilməsi məqsədi ilə Fəaliyyətiniz haqqında məlumatlara hər hansı bir məlumat və ya sorğu daxil etmək və ya bizim Xidmətlərimizdən əldə edilmiş maliyyə vəsaitlərindən istifadə etmək;

h) Tərəflərdən hər hansı birinə tətbiq olunan hər hansı sanksiyanı pozmaqla, qüvvədə olan qanunvericilik üzrə terrorçu təşkilat kimi müəyyən olunan təşkilatın hər hansı şəxsinə, nümayəndəsinə və ya işçisinə, yaxud bu təşkilat tərəfindən idarə olunan digər şəxsə, yaxud terrorist məqsədlər ilə əlaqədar fəaliyyət göstərməsi ilə bağlı şübhə olan digər şəxsə təklif, ödəniş, ödəniş vədi, ödənişin təsdiqi, pulun və ya digər qiymətli əşyanın verilməsi ilə bağlı terrorçu kimi təyin oluna bilən şəxsi maliyyələşdirmə, vəsait vermə və ya hər hansı fəaliyyətinə, sahibkarlığa və ya dəstək göstərmə məqsədilə ödənişlərin maliyyələşdirilməsi məqsədi ilə Fəaliyyətinizə hər hansı bir məlumat və ya sorğu daxil etmək və ya Xidmətlərimizdən əldə edilmiş maliyyə vəsaitlərindən istifadə etmək.

2.6. Əgər Müştəri hesabından icazəsiz istifadədən şübhələnirsə və ya aşkar edərsə, dərhal Epoint.aza məlumat verməlidir.

2.7. Epoint.az hər hansı bir məlumat itkisinə görə məsuliyyət daşımır.

2.8. Epoint.az Şərtləri pozan İstifadəçi məzmununu öz istəyi ilə silə bilər. İstifadəçi məzmununu silmək və ya hesabı ləğv etmək, Epoint.azın araşdırılmadan həyata keçirdiyi tədbir deyil və İstifadəçi məzmununun və ya hesabın silinməsinin araşdırılması və müəyyənləşdirilməsi bir qədər vaxt tələb edə bilər. İstifadəçi məzmununun silinməsi ilə bağlı səbəbləri, o cümlədən hər hansı bir Fəaliyyətinizin ləğv edilməsini müzakirə edib-etməmək müstəsna olaraq Epoint.azın ixtiyarındadır.

3. Müştərinin Platformadakı Fəaliyyəti

3.1. Müvafiq Ərizə formasının təqdim edilməsindən sonra Satışın heç bir şərti dəyişdirilə bilməz. İstisna olaraq Epoint.az Müştərinin bu haqda müraciətini diqqətlə nəzərdən keçirərək buna icazə verə bilər. Fəaliyyətin müddətinin uzadılması da Epoint.azla razılaşdırılmaqla həyata keçirilə bilər.

3.2. Ödənişlərdən toplanan pul məbləğləri bu Şərtlərin 5-ci maddəsində müəyyən olunan qaydada müvafiq Xidmət haqqı tutulmaqla Müştəriyə ödənilir.

4. Ödənişlər

4.1. Konteksdən digər halın irəli gəlməsi istisna olmaqla, Malların qiyməti üzrə bütün ödənişlər ƏDV xaric məbləğlərdən ibarətdir.

4.2. Ödənişi edən istifadəçinin tələb etdiyi təqdirdə Müştəri həmin istifadəçinin ödənişi üçün hesab-faktura təqdim edə bilər.

4.3. Ödənişlər Ərizə formasında göstərilən təlimata uyğun olaraq Visa, MasterCard kredit və ya debet kartı ilə ödənilməlidir, Platforma tərəfindən vaxtaşırı digər ödəniş formaları da təklif edilə bilər.

4.4. Epoint.az bir sıra səbəblərə görə, o cümlədən geri ödənilməli vəsaitin qaytarılması, geri ödəniş haqqında mübahisələr, saxtakarlıq, Müqavilə şərtləri və ya digər qayda pozuntuları və ya hər hansı digər bir səbəblə Epoint.az ödənişlərin köçürülməsini gecikdirə bilər. Məsələn, Müştəri bu Şərtlərin hər hansı bir şərtini pozduğu təqdirdə Epoint.az Ödənişlərdən əldə olunan pul vəsaitlərini tuta bilər.

5. Xidmət haqqı

Epoint.az Müştərilərdən satışdan əldə olunan pul vəsaitlərindən, siyahıda qeyd olunmuş xidmətlər üzrə xidmət haqqı tutur:

Azərbaycan bankları tərəfindən buraxılmış istənilən Visa və MasterCard kartları ilə ödənişlər üzrə - 3%

Xarici banklar tərəfindən buraxılmış istənilən Visa və MasterCard kartları ilə ödənişlər üzrə - 3%

Apple Pay və Google Pay tokenləşdirilmiş ödənişlər üzrə - 3.5%

"Kapital Bank" ASC taksit kartları ilə ödəniş üzrə:

2 taksit - 4%

3 taksit - 5%

6 taksit - 9%

9 taksit - 12%

12 taksit - 15%

18 taksit - 20%

"Azərbaycan Beynəlxalq Bankı" ASC taksit kartları ilə ödəniş üzrə:

2 taksit - 3%

3 taksit - 4%

6 taksit - 7%

9 taksit - 10%

12 taksit - 13%

18 taksit - 20%

24 taksit - 26%

6. Vergilər

Vergi orqanları Ödənişləri Müştəri və ya Ödənişlərdən vəsait əldə edən hər hansı digər faydalanan üçün həmin məbləği vergi tutulan gəlir kimi təsnif edə bilər. Epoint.az şəxsiyyəti təsdiq edən sənədləri, ünvanını təsdiq edən sənədləri, bütün Müştərilərin və hər hansı digər faydalanan şəxsin vergi identifikasiya nömrəsini (VÖEN) tələb edə bilər ki, Epoint.az vergi tutulan gəlirləri müvafiq vergi orqanlarına bildirsin. Epoint.az müvafiq vergi orqanlarının tələb etdiyi təqdirdə Müştəri və ya digər faydalanan şəxslərə dair sənədləri vergi orqanına təqdim edəcəkdir. Epoint.az hər hansı bir Müştəri və ya üçüncü tərəfə vergi ilə bağlı məsləhət verə bilmir və bu kimi Müştəri və ya üçüncü şəxslərin seçdikləri vergi məsləhətçiləri ilə məsləhətləşmələrini təklif edir.

7. Zəmanətlər

7.1. Müştəri Epoint.aza zəmanət verir ki, onun Fəaliyyətinə daxil ola bilən Əqli mülkiyyət üzrə qanuni hüquq və səlahiyyətə malikdir.

7.2. Müştəri həmçinin Epoint.aza zəmanət verir ki:

a) Şərtlər çərçivəsində öhdəliklərini icra etmək və yerinə yetirmək üçün qanuni hüquqa və səlahiyyətə malikdir;

b) Şərtlər üzrə öhdəliklərini ağlabatan diqqət və bacarıqla yerinə yetirəcəkdir; və

c) Satıcı fiziki şəxsdirsə, o, (i) Azərbaycan Respublikasının vətəndaşıdır, yaxud bu ölkədə daimi yaşayış icazəsi vardır, (ii) 18 yaşı tamam olmuşdur;

d) Satıcı Ödənişlərin edilməsi üçün təqdim etdiyi hesab nömrəsinin onun sahibkarlıq fəaliyyəti ilə bağlı hesabı olmasına təminat verir və Epoint.az buna görə məsuliyyət daşımır.

7.3. Müştəri qəbul edir ki, Platformada daim qüsur, səhv və xəta ola bilər, Epoint.az Platformanın bu cür qüsurlardan, səhvlərdən və xətalardan tam azad olacağına dair heç bir qarantiya və ya zəmanət vermir.

7.4. Tərəflər bu Şərtlər çərçivəsində onlara məlum olan qanunvericilik üzrə fərdi və kommersiya sirri təşkil edən məlumatların konfidensiallığını qoruyurlar.

7.5. Tərəflərin Şərtlərin predmetinə dair bütün zəmanətləri və iradələri Şərtlərin müddəalarında açıq şəkildə göstərilmişdir. Qüvvədə olan qanunvericilik ilə nəzərdə tutulan hallar nəzərə alınmaqla, Şərtlərdə bu Şərtlərin predmetinə aid heç bir digər zəmanət və ya təminat müəyyən edilmir.

7.6. Əsaslandırılmış hallar olduqda və ödənişi edən tərəfindən əsaslı arqumentlər təqdim olunduqda, Epoint.az öz mülahizəsi əsasında Ödənişin istifadəçiyə qaytarılması haqında qərar qəbul edə bilər.

8. Əqli mülkiyyət

8.1. Epoint.azın xidmətləri, məlumatları və nişanları Azərbaycan Respublikasının müəllif hüquqları, əmtəə nişanları, xidmət nişanları, patent, kommersiya sirri haqqında qanunlarına və Azərbaycan Respublikası tərəfindən qəbul olunmuş beynəlxalq əqli mülkiyyət normalarına uyğun olaraq qanuni şəkildə qorunur.Müştəri Platforma xidmətləri vasitəsilə əldə edilən hər hansı məzmunda, xidmətdə və ya nişanda olan bütün müəllif hüquqları və digər qanuni bildirişlərə, məlumatlara və məhdudiyyətlərə hörmət etməyə razılaşır. Müştəri xidmətləri dəyişdirməmək, tərcümə etməmək və ya başqa bir şəkildə törəmə əsərlər yaratmamaqla bağlı razılaşır.

8.2. Epoint.az Müştəriyə Platformadan və müvafiq məlumatlardan yalnız bu Şərtlər üzrə Xidmətlər ilə əlaqədar istifadə etmək üçün məhdud icazə verir (bu icazə müvəqqətidir, yalnız Müştəri üçün nəzərdə tutulub, Müştəri tərəfindən üçüncü şəxsə verilə və ötürülə bilməz). Epoint.az Müştəriyə icazə vermədiyi təqdirdə bu Şərtlər ilə əlaqədar heç bir məlumatı üçüncü şəxs üçün işləyə, ona paylaya, ötürə, verə, sata, yayımlaya, icarəyə verə, paylaşa, istifadəyə verə, dəyişdirə, uyğunlaşdıra, düzəliş edə, törəmə əsərləri yarada, lisenziya ilə verə və ya başqa bir şəkildə ötürə və ya istifadə edə bilməz. Bunu etmək üçün Epoint.azdan yazılı icazə alınmalıdır. Epoint.az istənilən vaxt İstifadəçi məzmununa və Epoint.azın məzmununa daxil olmaq və onlardan istifadə etmək üçün bu məhdud lisenziyanı ləğv etmək hüququnu özündə saxlayır.

9. Məsuliyyətin hədləri

9.1. Müştəri xəbərdardır ki, Fəaliyyəti üzrə öhdəliklərini yerinə yetirmək üçün məsuliyyət daşıyır. Müştəri hər hansı bir qanuni öhdəliyini yerinə yetirə bilmirsə, Platformanın istifadəçisi tərəfindən qanuni tədbir görülə bilər.

9.2. Bu Şərtlərdəki heç bir müddəa:

a) hər hansı Tərəfin fırıldaqçılıq və ya bu tərəfin saxta məlumat verməsi üçün məsuliyyətini məhdudlaşdırmır və ya istisna etmir;

b) tərəflərin hər hansı məsuliyyətini qüvvədə olan qanunvericiliklə icazə verilməyən hər hansı bir şəkildə məhdudlaşdırmır; və ya

c) Tərəfin qüvvədə olan qanunvericilik ilə istisna edilməsi mümkün olmayan məsuliyyətini istisna etmir.

9.3. Şərtlər çərçivəsində və ya Şərtlərin predmeti ilə əlaqədar yaranan bütün məsuliyyətlər, o cümlədən müqavilədən, deliktdən (o cümlədən səhlənkarlıq) və qanuni tələbin pozulması ilə əlaqədar məsuliyyətlər 9-cu maddədə və Şərtlərin başqa maddələrində müəyyən edilmiş məsuliyyətin hədləri və müvafiq istisnalar ilə tənzimlənir.

9.4. Planlaşdırılmamış arakəsilmələr və digər nasazlıqlar da daxil olmaqla planlı təmir və digər səbəblərə görə Platforma və ya Xidmətlərdən istifadə mümkün olmaya bilər. Platforma və ya Xidmətlərdən istifadə mümkün olmadıqda və ya bu və ya digər səbəbdən Müştəri hər hansı bir səbəbdən hər hansı bir məlumatı və ya İstifadəçi haqqında məlumatı itirirsə Epoint.az məsuliyyət daşımır.

9.5. Epoint.az həmçinin aşağıdakılar ilə əlaqədar Müştəri qarşısında məsuliyyət daşımır:

a) hər hansı əldən çıxmış fayda, gəlir, mənfəət, istifadə, istehsal və ya ehtimal olunan əmanət, sahibkarlıq fəaliyyətinin əldən çıxması, müqavilələr və ya kommersiya imkanlarının əldən çıxması;

b) işguzar nüfuz və ya şəxsi nüfuza dəyən zərər;

c) hər hansı bir məlumatın, verilənlər bazasının və ya proqramın itirilməsi və ya pozulması;

d) Fors-Major hadisəsi nəticəsində yaranan zərər.

9.6. Müştəri Epoint.azı, Epoint.azın törəmə və əlaqəli şirkətlərini və Epoint.azın rəhbər işçiləri, direktorları, işçiləri, tərəfdaşları, podratçıları, nümayəndələri, agentləri və üçüncü tərəf təminatçıları ilə hər hansı bir iddia, iddianın əsası, zərər, öhdəlik, məsuliyyət, qiymət, borc və xərclər (hüquqşünas haqları və xərcləri daxil olmaqla) və Şərtlər üzrə müdəaların pozulması və ya tətbiq olunan qanunların pozulması ilə əlaqədar və ya ödənilməsi ilə əlaqədar bütün məbləğlərdən müdafiə etməyə, bunlarla bağlı kompensasiya etməyə və zərərdən qorumağa razılaşır. Epoint.az öz qərarı ilə və öz hesabına Müştərinin kompensasiyanı ödəməyə razılıq verdiyi hər hansı bir məsələnin müstəsna müdafiəsini və nəzarətini tələb etmək hüququnu özündə saxlayır və Müştəri bu məsələlərin müdafiə olunmasında və həllində Epoint.aza kömək etməyə razılaşır.

9.7. Epoint.azın bu Şərtlər üzrə Müştəri qarşısında ümumi məsuliyyəti aşağıdakılardan daha çox olmayacaq:

a) 100,00 (bir yüz) manat; və

b) Alıcı tərəfindən bu Şərtlər əsasında Müştəriyə ödənilmiş və ödənilməli olan ümumi məbləğ.

10. Xitam

10.1. Müştəri Müştərinin Platformadakı hesab interfeysindən istifadə edərək, Fəaliyyəti haqqında məlumatı yerləşdirməzdən və Ödənişin həyata keçirilməzdən əvvəl istənilən vaxt Şərtləri ləğv edə bilər.

10.2. Epoint.az Ödəniş həyata keçirilməzdən öncə Müştəriyə yazılı bildiriş göndərməklə Şərtləri ləğv edə bilər.

10.3. Tərəflərdən hər biri qarşı tərəfin Şərtlərin hər hansı müddəasını aşağıdakı şərtlər nəzərə alınmaqla ciddi şəkildə pozduğuna görə qarşı tərəfə yazılı bildiriş göndərməklə Şərtləri dərhal ləğv edə bilər:

a) pozuntunu aradan qaldırmaq mümkün deyil; və ya

b) pozuntunun aradan qaldırılması mümkündür, lakin qarşı Tərəfin pozuntunu aradan qaldırması bununla bağlı yazılı bildiriş aldıqdan sonra 1 (bir) gün ərzində mümkün deyil.

10.4. Tərəflərdən hər biri aşağıdakı hallarda qarşı tərəfə yazılı bildiriş göndərməklə dərhal Şərtləri ləğv edə bilər:

a) bu Şərtlərin bağlanması zamanı digər Tərəfin bu Şərtləri bağlamaq və yerinə yetirmək üçün hüququ və səlahiyyətləri olmadığı aşkar edilmişdir.

b) qarşı tərəf:

i) ləğv olur;

ii) bütün fəaliyyətini (və ya əhəmiyyətli hissəsini) dayandırır;

iii) vaxtı keçmiş borcları ödəmə qabiliyyətinə malik deyil;

iv) müflis olmuşdur, iflasa uğramışdır və ya müflis elan edilmişdir; və ya

c) digər Tərəfin hər hansı əmlakı üzərində inzibatçı, ləğvetmə zamanı aktivlərin alıcısı, ləğvedici, alıcı, qanuni vərəsə, idarəçi və bu kimi digər təyinat olunursa;

d) qarşı Tərəfin ləğvi ilə bağlı əmr verilir, yaxud qarşı Tərəf ləğv olunma ilə bağlı qərar qəbul edir; və ya

e) (digər Tərəf fiziki şəxs olduqda) digər tərəf ölmüşdür və ya xəstəlik və ya fəaliyyət qabiliyyətsizliyi nəticəsində öz işlərini idarə edə bilmir, yaxud iflas ərizəsi və ya sərəncamının predmetidir.

11. Xitamın nəticələri

11.1. Şərtlərin xitamından sonra Şərtlərin bu 11-ci maddəsi üzrə müddəalar istisna olmaqla Şərtlərin bütün müddəaları öz qüvvəsini itirir. 11-ci maddə bu maddədə göstərilən müddətdə, müddət olmadığı təqdirdə qeyri-müəyyən müddətdə öz qüvvəsini saxlayır.

11.2. Bu Şərtlərə 10.3 və ya 10.4-cü bəndlər üzrə xitam verildiyi halda Epoint.az Müştəriyə Malların qiyməti üzrə ödənişləri ödəmək vəzifəsi daşımır.

11.3. Şərtlərdə göstərilən digər hallar istisna olmaqla, Epoint.azın Müştəriyə Malların qiyməti üzrə ödənişlər üzrə məbləğləri vermək öhdəliyi Şərtlərə xitam veriləndən sonra da davam edəcəkdir.

11.4. Şərtlərdə göstərilən digər hallar istisna olmaqla, Şərtlərə xitam verilməsi hər hansı bir tərəfin Şərtlər xitam verilməsi tarixində olan öhdəliklərinə və hüquqlarına təsir göstərmir.

11.5. Müştərinin Platforma hesabının ləğvi avtomatik olaraq İstifadəçi haqqında məlumatların silinməsi ilə nəticələnmir. Epoint.az qanunla tələb edildiyi və ya Epoint.azın fəaliyyət məqsədləri üçün zəruri hallarda müəyyən məlumatları saxlamağı tələb edə bilər.

12. Bildirişlər

12.1. Şərtlərə əsasən verilən hər hansı bir bildiriş yazılı formada verilməli və şəxsin diqqətinə çatdırılmalı və ya imzalanmış məktub formasında və ya elektron poçtla və aşağıda verilmiş müvafiq ünvana göndərilməlidir (və ya bu maddəyə uyğun olaraq bir tərəfin digərinə bildirdiyi digər ünvana).

12.2. Bildiriş aşağıda göstərilən müvafiq vaxtda qəbul edilmiş hesab olunur (yaxud bu vaxt iş günü olmadıqda, aşağıda göstərilən vaxtdan sonrakı iş gününün başlanğıcında):

a) bildirişin şəxsən çatdırıldığı halda, çatdırılma vaxtı;

b) bildirişin elektron poçtla göndərildiyi halda, elektron ötürülmə zamanı (göndərən tərəfin ötürülmənin yazılı sübutlarını saxlaması şərtilə).

13. Qüvvədə olan hüquq və mübahisələrin həlli

13.1. Epoint.az Azərbaycan Respublikasında fəaliyyət göstərir. Sizinlə Epoint.az arasındakı bu Şərtlər Azərbaycan Respublikasının qanunvericiliyi ilə tənzimlənir.

13.2. Şərtlərdən və ya onunla əlaqədar yaranan bütün iddia, mübahisə və ziddiyyətləri mübahisələrin həlli istiqamətində danışıqlar yolu ilə həll edilməlidir. Əgər müvafiq iddia, mübahisə və ya ziddiyyətlə bağlı bir Tərəfin göndərdiyi bildirişdən etibarən 30 gün ərzində yaranan məsələni həll etmək mümkün olmazsa, məsələ Azərbaycan Respublikasının qanunvericiliyinə uyğun olaraq Azərbaycan Respublikasının məhkəmələrində həll olunacaqdır.

14. Şərtlərin hüquqi qüvvəsi və müddəti

14.1. Şərtlər Müştəri tərəfindən Platformada onlayn formada razılaşdırılaraq bu Şərtlərin qayda və şərtlərini qəbul etdikdən sonra Müştəri tərəfindən Ərizə forması təqdim edildikdən sonra qüvvəyə minir.

14.2. Şərtlər Azərbaycan və ingilis dillərində tərtib olunur. Dillər arasında ziddiyyət olduğu təqdirdə Azərbaycan dilindəki məzmun üstün tutulur.

14.3. Şərtlər orada müəyyən olunan qaydada əvvəlcədən xitam verilmədiyi təqdirdə, Tərəflərin öz öhdəliklərinin tam faktiki icra olunması tarixinə qədər qüvvədə qalır.

15. Müxtəlif

Biz Xidmətləri istənilən vaxt dəyişdirə və ya dayandıra bilərik. Siz razılaşırsınız ki, bu Şərtlərdə başqa qayda nəzərdə tutulmamışdırsa, bu Şərtlərdən faydalanan heç bir üçüncü şəxs olmayacaqdır.

16. Anlayışlar

Bu Şərtlərnin məqsədləri üçün aşağıdakı anlayışlar istifadə olunur:

“Şərtlər” dedikdə, Müştəri və Epoint.az arasında razılaşdırılan şərtlərdən və bu şərtlərə sonradan vaxtaşırı olaraq edilən bütün dəyişikliklərdən ibarət olan əqd başa düşülür;

“Platforma” dedikdə, bu Şərtlər üzrə malların satışı və xidmətlərin təqdim edilməsi ilə bağlı ödənişlərin toplanmasında vasitəçi olan, Epoint.aza məxsus olan və onun idarə etdiyi internet səhifəsi və ya onlayn (real vaxtda) maliyyənin cəlb olunması imkanını verən platforma başa düşülür;

“Məlumat” və ya “məlumat” dedikdə, soft proqram, texnologiya, dizayn, material, informasiya, kommunikasiya, mətn (məqalə), qrafika, elektron keçid, elektron incəsənət nümunəsi, animasiya, illüstrasiya, incəsənət əsəri, audio klip, video çarx, foto, şəkil, rəy, ideya və digər məlumat, müəlliflik (əqli mülkiyyət) hüququnun obyektləri və ya bu Şərtlər üzrə təklif olunan xidmətlərlə bağlı olaraq sadalananların birneçəsindən ibarət məcmu başa düşülür;

“Malların qiyməti üzrə ödəniş” dedikdə, bu Şərtlər üzrə satışla və ya xidmətlərlə bağlı olaraq alıcının ödədiyi pul vəsaiti başa düşülür;

“Qüsur” dedikdə, Platformanın xüsusiyyətləri ilə digər hər hansı sistem, proqram tətbiqi, təminatı və ya softu ilə uyğunsuzluğundan irəli gələn qüsur və ya səhv istisna olmaqla, Platformanın görünüşü, əməliyyat qaydası və ya funksionallığına əhəmiyyətli dərəcədə zərərli təsir göstərən qüsur və ya səhv başa düşülür;

"Fors major hal" dedikdə, təsirə məruz qalan Tərəfin ağlabatan nəzarəti xaricində olan bir hadisə və ya bir sıra hadisələr deməkdir (uğursuzluqlar və ya internet və ya internetin bir hissəsi, haker hücumları, virus və ya digər zərərli proqram daxil olmaqla) hücumlar və ya infeksiyalar, elektrik kəsilməsi, hər hansı bir üçüncü tərəfə təsir edən sənaye mübahisələri, qanuna edilən dəyişikliklər, fəlakətlər, partlayışlar, yanğınlar, daşqınlar, iğtişaşlar, terror hücumları və müharibələr) başa düşülür;

"Əqli mülkiyyət hüquqları" dedikdə, qeydiyyata alınıb-alınmamasından asılı olmayaraq dünyanın hər hansı bir yerində mövcud olan bütün əqli mülkiyyət hüquqları, o cümlədən bu hüquqlar üçün hər hansı bir ərizə və ya müraciət hüququ (və yuxarıda göstərilən "əqli mülkiyyət hüquqları" müəllif hüquqları və əlaqəli hüquqları, verilənlər bazası hüquqları, məxfi məlumatlar, ticarət sirləri, nou-xau, işgüzar adlar, ticarət adları, ticarət nişanları, xidmət nişanları, keçid hüquqları, haqsız rəqabət hüquqları, patentlər, kiçik patentlər, faydalı modellər, yarımkeçirici topoqrafiya hüquqları və dizayndakı hüquqlar) başa düşülür;

"Xidmətlər" dedikdə, Platformadan istifadəsi ilə bağlı təqdim edilən xidmətlər və ya Şərtlərdə göstərilən Platformanın digər xidmətləri başa düşülür;

"Proqram" dedikdə, Layihə çərçivəsində hazırlanacaq modul, widget və ya digər proqram başa düşülür;

"Alıcı" dedikdə, Satılan malları almaqla bağlı özünün niyyətini göstərən fiziki və ya hüquqi şəxs başa düşülür;

"Fəaliyyət" dedikdə, Müştərinin əvəzində öz müştərilərindən ödəniş haqqı qazandığı Platformadan kənar qaydada göstərdiyi fəaliyyət ilə bağlı olaraq Platformada nümayiş etdirdiyi fəaliyyət başa düşülür;

"Ödəniş" dedikdə, bu Platformanın istifadəçilərinin Platformadan istifadə edərək Müştəri üçün etdikləri ödənişlər başa düşülür.