Biz İRİA-nın Texnoparkında rezidentik!

İRİA Texnoparkında rezident statusu aldığımızı məmnuniyyətlə elan edirik.
Bu status bizim qarşımızda yeni imkanlar açır və innovativ layihələrimizin daha da inkişafına töhfə verəcək mühüm üstünlüklər verir.

İRİA Texnoparkının rezidenti olmağın üstünlükləri:

İRİA-nın rezidentlik üçün müvafiq rezidentlik lisenziyasını verdiyi hüquqi və fiziki şəxslər aşağıdakı imtiyazlardan yararlanacaq:

Sistem inteqrasiyası va (və ya) proqram təminatının hazırlanması və inkişafı sahəsində texnoparkdan kənar fəaliyyət göstərən rezidentlər bir sıra vergilərdən (gəlir və mənfəət vergisi, dividend, əmlak, torpaq) azad olunurlar.

Sistem inteqrasiyası və (və ya) proqram təminatının hazırlanması və inkişafı sahəsində texnoparkdan kənar fəaliyyət göstərən rezidentlər üçün gəlir vergisində aşağıdakı güzəştlər təqdim edilir: 8000 manatadək olduqda 0 faiz, 8000 manatdan çox olan məbləğin 5 faizi, 01.01.2026-cı ildən 7 il müddətinə isə gəlirin 5%-i həcmində ödəniləcək.

Sistem inteqrasiyası və (və ya) proqram təminatının hazırlanması və inkişafı sahəsində texnoparkdan kənar fəaliyyət göstərən əcnəbi mütəxəssislərə iş icazəsinin alınması tələb olunmur.

Sistem inteqrasiyası və (və ya) proqram təminatının hazırlanması və inkişafı sahəsində texnoparkdan kənar fəaliyyət göstərən rezidentlərin əməkdaşları seçimlərindən asılı olaraq 2023-cü il yanvarın 1-dən 10 il müddətində məcburi dövlət sosial sığorta haqqı minimum aylıq əməkhaqqı məbləğinin dörd misli miqdarından və ya muzdlu işdən əldə edilən gəlirlərdən ödənilir.

İnnovasiya və Rəqəmsal İnkişaf Agentliyinə startapımıza, eləcə də ölkə üzrə digər innovativ müəssisələrə hərtərəfli dəstəyə görə səmimi təşəkkürümüzü bildiririk. Əminik ki, İRİA Texnoparkının rezidenti statusunu əldə etməklə Epoint öz fəaliyyətində yeni zirvələri fəth edə və ölkənin innovasiya ekosisteminin inkişafına mühüm töhfə verə biləcək.