Azərbaycanda onlayn ödənişlər üzrə lider olan Epoint şirkəti Azərbaycan Respublikasının Mərkəzi Bankından fintex lisenziyası aldığını qürurla elan edir. Bu mühüm nailiyyət Epoint-in maliyyə texnologiyaları sektorunda ən ciddi təhlükəsizlik və etibarlılıq standartlarına uyğunluğunu təsdiqləyir.
Yarandığı gündən Epoint, həm yerli, həm də beynəlxalq müştərilər üçün rahat əməliyyatlar təqdim edərək, e-ticarət və ödəniş xidmətlərini fəal şəkildə inkişaf etdirir.
Epoint müştərilərinə təklif etdiyi əsas xüsusiyyətlərdən bəziləri:
- 3 dəqiqə ərzində rəqəmsal inteqrasiya və e-ticarətə qoşulma.
- Öz veb-saytı olmayanlar üçün ödəniş modulu ilə pulsuz açılış səhifəsi.
- Yerli və xarici kredit və debet kartlarından istifadə etməklə ödənişləri təhlükəsiz qəbul edin.
- Müntəzəm və gecə-gündüz ödəniş imkanı.
- Hər bir müştəri üçün fərdi ödəniş məlumatları.
- Elektron bildirişlər və fakturalar.
- QR kodları və elektron qaimə-fakturalar vasitəsilə ödənişləri qəbul edin.
- Çoxdilli interfeys dəstəyi: Azərbaycan, rus və ingilis dillərində mövcuddur.
«Mərkəzi Bankın fintex lisenziyasını almaq, Epoint-in bu illər ərzində görsətdiyi keyfiyyətli və təhlükəsiz xidmətlərin bir daha sübutudur. Startap-dan böyük bir biznesə çevrilmək və Mərkəzi Bankın requlyativ tələblərinə uyğun olmaq, bizim gördüyümüz işin və missiyamızın nə qədər düzgün olmasının göstəricisidir. Biz müştərilərimizin biznes ehtiyaclarını ödəmək və onların maliyyə rifahını təmin etmək üçün innovativ həllər hazırlamağa davam edəcəyik» , - Epoint startapının təsisçisi və direktoru Zeynal Kərimzadə bildirib.
Rəqəmsal dövrdə innovasiya və təhlükəsiz ödəniş həlləri səyahətimizə qoşulun!
