Azərbaycanın İnternet Mükafatı olan NETTY 2004-cü ildə təsis olunmuşdur. NETTY Qlobal Internet Şəbəkəsi və ümumilikdə İT bazarının milli seqmentdə inkişafının təşviqi üçün informasiya texnologiyaları sahəsində yaradılmış, Azərbaycanın ilk peşəkar mükafatıdır.

NETTY hər il informasiya texnologiyaları sahəsində Azərbaycanın əhəmiyyətli internet resurslarını, tətbiqlərini, sosial platforma resurslarını, aktual İT layihələri və aparıcı fiqurları müəyyən edir və mükafatlandırır.

İllər ərzində mükafat milli İnternet sahəsində ən yenilikçi və yüksək səviyyəli tədbir kimi layiqli nüfuz qazanmışdır.

Mükafat daima hökumət idarələrindən, Azərbaycanın böyük şirkətlərindən və beynəlxalq şirkətlərdən rəsmi dəstək almışdır.

NETTY mükafatlandırması ənənəvi olaraq ilin ən rəngarəng, qeyri-adi və yaddaqalan hadisələrindən biri hesab olunan qaliblərin təntənəli mükafatlandırma mərasimi ilə başa çatır.