Arts Council Azerbaijan təşkilatı beynəlxalq və müstəqil incəsənət platformasıdır. Təşkilat dünyanın müxtəlif ölkələrində fəaliyyət göstərən beynəlxalq Arts Council şəbəkəsinin rəhbəridir. Təşkilatın əsas məqsədi Azərbaycan mədəniyyətini və incəsənətini təbliğ etməkdir. Çoxsaylı sosial və ictimai layihələr əsasında fəaliyyət göstərir. Onların arasında mədəniyyət, incəsənət, mədəni irs, tarix, ədəbiyyat, ekologiya, təhsil, milli dəyərlərin təbliği kimi layihələr mövcuddur. Dövlət qurumları ilə sıx əməkdaşlıq edərək müxtəlif layihələr həyata keçirir. Fəal əməkdaşlıq nəticəsində, yerli və xarici rəssamların əsərləri sərgilənir, festival, bienali, simpozium və sair tədbirlər həyata keçirilir.